A túa compra ten premio: Cambados Zona Centro sortea 2 entradas para o concerto urbano da Festa do Albariño

A asociación Cambados Zona Centro pon en marcha unha nova campaña de apoio ao comercio local coa que sorteará 2 entradas para o concerto de música urbana da Festa do Albariño Cambados 2026.

O concerto celebrarase o venres 31 de xullo, a partir das 21:00 horas, na Praza de Fefiñáns, e contará coas actuacións de Luar La L, Roa e La Pantera.

Participar é moi sinxelo. Todas as persoas que realicen as súas compras nos establecementos asociados a Cambados Zona Centro entre o 8 e o 30 de xuño poderán entrar no sorteo das entradas.

Para participar, só hai que seguir estes pasos:

1. Realizar as compras nos establecementos asociados entre o 8 e o 30 de xuño.
2. Cubrir o formulario dispoñible na web cambadoszonacentro.com.
3. Gardar o recibo da compra realizada.
4. Agardar ao sorteo, que se realizará o 8 de xullo.

Con esta iniciativa, Cambados Zona Centro quere premiar a fidelidade da súa clientela e animar a veciñanza e visitantes a mercar no comercio local durante estas datas.

Porque mercar en Cambados ten premio: apoia o comercio local e goza da nosa festa!