Cambados Zona Centro e ARSEM asinan un convenio para facilitar o aforro enerxético aos asociados
Cambados Zona Centro segue ampliando as vantaxes para os seus asociados. Grazas ao novo convenio con ARSEM Servicios Energéticos, os comercios, autónomos e empresas da asociación poderán acceder de forma totalmente gratuíta a un asesoramento enerxético personalizado para revisar os seus consumos e buscar opcións de aforro en luz e gas.
SERVIZO 100 % GRATUÍTO PARA OS ASOCIADOS
Un asesoramento adaptado ás necesidades de cada negocio
- Analizar os consumos e revisar os contratos de luz e gas.
- Detectar oportunidades de aforro e comparar alternativas do mercado.
- Propoñer medidas para mellorar a eficiencia e o control do gasto enerxético.
Ademais, os asociados de Cambados Zona Centro contarán cun trato preferente nos servizos e promocións de ARSEM. O obxectivo desta colaboración é sinxelo: axudar aos negocios locais a controlar mellor un dos seus custos máis importantes e mellorar a súa competitividade.
Interésache? Ponte en contacto con Cambados Zona Centro e facilitarémosche toda a información para solicitar o asesoramento.
