Zona Centro traslada ao Concello o malestar dos hostaleiros coas inspeccións de terrazas

Os directivos da asociación, Juan Rey e Miguel Solla, mantiveron unha reunión coa alcaldía do Concello de Cambados, na que se lle dou traslado, entre outras cuestións, do malestar existente entre a hostalería cambadesa, como consecuencia das inspeccións realizadas pola policía Local de diferentes terrazas.

Ata a data, o tempo non foi moi bo, e agora que empezan a verses os primeiros turistas e que apetece sentarse nunha terraza, non se entende as inspeccións ás que se están a someter a este sector. Entre as cuestións abordadas, plantexouse a posibilidade da modificación da ordenanza municipal para regular outras cuestión como os botellóns, ou a utilización de televisións no exterior dos locais.

Tamén se abordou a necesidade de aumentar o numero de prazas de aparcadoiro, dada o aumento de rúas nas que xa non se pode estacionar, tales como rúa Castelao, Isabel II ou Pardo Bazán, así como a correcta sinalización destas zonas co fin de evitar que se teña que multar os condutores que por descoñecemento seguen a estacionar nestas rúas.

O Rexistro Municipal de Furanchos tamén tivo o seu oco na reunión, e é que o seu correcto funcionamento é a formula que ten a administración de garantir a legalidade destes establecementos, facendo un control sanitario dos mesmos, co fin de garantir a súa hixiene en beneficio dos seus clientes.

Para finalizar, tratouse a vindeira feira de oportunidades, que organiza a asociación, e  que como é tradicional se realiza no terceiro fin de semana de agosto (días 15 16 e 17), para coordinar co Concello unha serie de servizos básicos como son unha zona de carga e descarga para o evento, ou a colocación de baños públicos, todo elo co fin de garantir unha correcta xestión do espazo público, durante un evento que na última edición tivo unha afluencia de case 35.000 persoas.