Zona Centro presenta unha nova edición da campaña Cambados Namora

Cambados Zona Centro presentou hoxe unha nova edición da campaña «Cambados Namora» coa que pretende dinamizar o consumo no comercio local de cara á celebración do Día dos Namorados 2020.

Como en anteriores edicións, a campaña incentivará o paseo polas rúas do municipio, instalando zonas photocall coas palabras «Cambados», «Bicos», «Amor» e «Love», que servirán como escenario para conseguir un dos dous premios da campaña.

O primeiro, unha escapada romática valorada en 100 euros. O segundo, unha cea romántica nalgún dos establecementos asociados valorada en 60 euros. Para iso, os interesados terán que subir unha foto co hashtag #cambadosnamora a Facebook, Instagram ou Twitter nalgún dos puntos antes mencionados. As dúas fotos con máis «Me Gusta» serán as gañadoras do concurso.