Zona Centro presenta a quinta edición do seu Desfile de Moda

Cambados Zona Centro presentou onte a quinta edición do desfile de moda que contará coa participación dunhas vinte tendas que mostrarán as súas novidades para a campaña outono-inverno. O evento celebrarase no Salón José Peña o día 24 de novembro, a partir das 18.00 horas.

O desfile contará cun pase especial que conmemora a Día Internacional contra a Violencia de Xénero. Ademais do desfie, haberá outras actividades como unha ludoteca para os máis pequenos.

O evento foi presentado no salón de plenos do Concello de Cambados polo presidente de Zona Centro, Juan Rey, acompañado do concelleiro de Economía, Xurxo Charlín.