Zona Centro pecha con éxito a Feira de Oportunidades

Cambados Zona Centro pechou con éxito de organización e asistentes o fin de semana da Feira de Oportunidades. Segundo os datos recabados pola asociación, os comercios participantes mostraron a súa satisfacción coas cifras de negocio alcanzadas e esperan volver en próximas edicións.

Desde a asociación de comerciantes queremos agradecer a colaboración do Concello, que achegou preto de 15.000 euros, que foron destinados a labores de limpeza, instalación das carpas, aseos públicos e intendencia.