TELÉFONO: 986 52 09 02 ext #742  //  FAX: 986 52 11 45

Menú Principal

ParadorPinchoDulce

O Casal e o Parador do Albariño conquistaron ao xurado profesional, mentres que A Dos Piñeiros fixo o propio co popular. A entrega de premios desenvolverase o domingo ás 17.00 horas na Praza de Fefiñáns, dentro das V Xornadas de Degustación e Maridaxe.

A II Feira de Pinchos de Outono de Cambados contou con máis de 1.500 votacións. A cita, organizada por Cambados Zona Centro en colaboración co Consello Regulador Augardentes e Licores Tradicionais de Galicia, desenvolveuse o pasado fin de semana nun total de dez establecementos hostaleiros da vila cambadesa. Cada un dos locais participantes presentou unha tapa doce e outra salgada, entre cuxos ingredientes se atopaba algún dos destilados con selo de calidade e orixe.

O xurado profesional, composto por membros do Consello Regulador, o Concello de Cambados e profesionais do sector, encargouse de valorar as elaboracións presentadas. Tras axustadas deliberacións e sempre destacando o alto nivel das propostas culinarias, o xurado profesional outorgou, dentro da categoría de petiscos salgados, o primeiro premio a O Casal; o segundo A Dos Piñeiros e o terceiro, A Cultural. Na categoría dos petiscos doces, o gañador foi o Parador de Cambados, mentres que o segundo posto foise para A Cultural e o terceiro para A Casa de Miguel.

OCasalPinchoSalado

 

A II Feira de Pinchos de Cambados tamén contou coas opinións do xurado popular. Das 1.535 votacións depositadas nas urnas, A Dos Piñeiros foi o establecemento vencedor en ambas categorías. En segundo lugar, na sección de petiscos salgados, quedou A Cultural, e en terceiro, Adega. No caso dos doces, o Parador de Cambados obtivo o segundo posto e A Cultural, o terceiro.

Premios para os clientes

Entre todos os clientes que emitiron os seus votos aos seus petiscos preferidos, Cambados Zona Centro realizou varios sorteos. Os agraciados son os seguintes:

Un lote de Augardentes e Licores Tradicionais de Galicia:

-María Aurora Pedreira
-María del Carmen Montes
-Estefanía Pérez

Bonos para ceas en cada un dos locais participantes (por valor de 30 €):

-Castor Cuiñas
-Aida Costa
-Minia Martínez
-Joaquín Cores
-Fernanda Rivas
-José A. Costa
-Vladimir Krisevyah
-Eladio Fernández
-Susana Domínguez
-Carmen Salgado

Vale de compra da Asociación Cambados Zona Centro por importe de 100 €:

-Marta Heras

ADosPinheirosSalado

Tanto os establecementos premiados cos galardóns do xurado popular (que recibirán unha placa conmemorativa) como do popular (que levarán un diploma), ademais dos agraciados no sorteo recibirán os seus respectivos premios o domingo 5 de novembro na Praza de Fefiñáns ás 17.00 horas. Este acto encádrase dentro da celebración do V Xornadas de Degustación e Maridaxe dás Augardentes e Licores Tradicionais de Galicia, que se desenvolverá durante todo este fin de semana en Cambados. O acto final será, xunto coa entrega de premios, o proceso de destilación en vivo na Praza de Fefiñáns.

pinchos outono 2017

Cambados Zona Centro presentou onte a segunda edición de Pinchos de Outono, que se celebrará entre o 27 e o 29 de outobro en Cambados. A iniciativa busca promocionar a actividade hosteleira local así como os augardientes e licores tradicionais de Galicia.

 

bases pinchos outono

bases pinchos outono 2

Cambados Zona Centro presentou hoxe a Feira de Oportunidades 2017, un evento que gaña forza cada ano, e que nesta edición acada un novo récord de participación do comercio local. A presentación tivo lugar no Concello de Cambados e contou coa presencia da Alcaldesa, Fátima Abal, o Concelleiro de Economía, Xurxo Charlín e o presidente de Zona Centro, Juan Rey.

A feira terá lugar os días 12, 13, e 14 de agosto, cun horario ininterrompido de 11:00 a 23:00 horas. Esta edición contará con 30 expositores, dos cales 24 son empresas locais. O resto chegan desde concellos veciños como Vilagarcía de Arousa, Vilanova de Arousa ou Portonovo, e de outros máis lonxanos como Santiago de Compostela, Pontevedra ou Ribeira. 

Como en anteriores convocatorias, os que se acheguen a Cambados poderán atopar ofertas en téxtil, calzado, deporte, fogar, xoguetes e alimentación.

concurso camisetas 2017

A Asociación Cambados Zona Centro presentou hoxe a 10ª Edición do “CONCURSO DE CAMISETAS DA FESTA DO ALBARIÑO”, que ten por finalidade fomenta-la creatividade e a participación das persoas e grupos asistentes a festa. O acto tivo lugar no salon de plenos do Concello de Cambados e contou coa presenza de directivos da asociación e o Concelleiro de Economía, don Xurxo Charlín.

 

  1. BASES DO CONCURSO

 

  1. PARTICIPANTES.

Poderán presentarse a este concurso tódolos grupos que o desexen, non existindo ningún importe de inscrición por presentarse ó concurso. A persoa que inscribe ó grupo, e que recollerá o premio no caso de ser gañadores, debe ter como mínimo 18 anos de idade.

 

  1. TEMÁTICA.

Liberdade nos temas (parodias típicas do albariño), sen que se poida ofender de ningunha forma a calquera persoa física ou xurídica.

 

  1. INSCRIPCIÓN NO CONCURSO.

Cada grupo de participantes deberán depositar:

    • A folla de inscrición cuberta.
    • 1 camiseta, para que o xurado poida facer a valoración pertinente.
  1. LUGAR DE ENTREGA E DATA DE PRESENTACIÓN.
    • O lugar de entrega da folla de inscrición e a camiseta é nas oficinas da Asociación, situadas na rúa Ourense nº 8 (antigos xulgados – fronte á Cafeteria Thelma) ,  en horario de 9:00 a 14:00 horas.
    • O último día para realizar a inscripción é o Venres 5 de agosto ate as 13:00 horas.

 

  1. XURADO.

O xurado estará composto pola socios e directivos da Asociación Cambados Zona Centro.

 

  1. PREMIOS.

Establécese os seguintes premios en vales compra :

1º PREMIO:                                               300,00 €

2º PREMIO:                                               200,00 €

3º PREMIO:                                               100,00 €

PREMIO “CIDADE EUROPEA DO VIÑO”:   100,00 €

 

  1. ENTREGA DE PREMIOS.

Este premio será entregado ó grupo gañador o sábado día 5 de agosto no Concello de Cambados as 12:30 horas, expoñendo ante os medios de comunicación as camisetas gañadoras do concurso.

 

  1. MÁIS INFORMACIÓN.

Oficinas da Asociación Cambados Zona Centro

Rúa Ourense nº 8 (antigos xulgados – fronte a Cafetería Thelma)

Horario: 9:00 a 14:00 horas.

Tlf.: (986) 52 09 02  (ext.: #742) e_mail: Este enderezo de correo está a ser protexido dos robots de correo lixo. Precisa activar o JavaScript para velo.