TELÉFONO: 986 52 09 02 ext #742  //  FAX: 986 52 11 45

Menú Principal

premio joyeria villar 2

A Federación Galega de Comercio celebrou a pasada semana no Auditorio da Afundación en Vigo un acto no que, entre outros, distinguiuse a un dos nosos asociados, Joyería Villar, polos seus mais de 135 anos de historia asociada ao comercio local e, como non podería ser doutra forma, á vida social da nosa vila.

Dende aquí queremos trasladar os nosos parabéns, a Carlos e Santiago Villar, bisnetos do fundador e continuadores dunha saga, que aló polo ano 1880 abriu o seu primeiro establecemento na rúa Rua  Real, preto da Praza de Fefiñans.

 

Ler máis...  

No día de hoxe, a asociación Cambados Zona Centro fixo entrega do importe recadado durante a celebración da feira de oportunidades 2016 cos inchables que se colocaron durante a celebración  do referido evento celebrado os pasados días 13, 14 e 15 de agosto, no Paseo da Calzada.

En total recadáronse 979,00 euros, que o presidente da asociación Juan Rey fixo entrega ao xerente da Asociación de Axuda a Discapacitados “Esperanza Salnés”, Augusto Chaves.

O presidente de Cambados Zona Centro quere resaltar o compromiso do comercio e hostalería cambadesa coas diferentes asociacións do noso concello, e en especial con Esperanza Salnés, non en van, tódolos anos, con motivo da celebración da tradicional cea de Nadal da asociación, apórtanse 5 euros de cada cuberto, en concepto de donativo, este colectivo.

O xerente de Esperanza Salnes, Augusto Chaves, quixo agradecer á asociación este xesto que se suma aos realizados por diferentes asociacións do Salnés ao longo deste verán, e que se ben non solucionan os problemas económicos de Esperanza Salnés, si é certo supoñen un pequeno alivio para as súas arcas.

Cambados Zona Centro presentou hoxe a súa Feira de Oportunidades 2016 que terá lugar no Paseo da Calzada os días 13,14 e 15 de agosto, en horario ininterrunpido de 11:00 a 23:00 horas.

Nesta edición participan 24 expositores, 16 de Cambados e 8 chegados desde outros concellos como Lalín, Portonovo, Ribadumia, Vilanova de Arousa, Vilagarcía de Arousa ou Boiro, que se repartirán polos 405m² destinados a exposición. A presentación da feira correu a cargo do presidente de asociación Juan Rey, que estivo acompañado polo concelleiro de Economía Xurxo Charlín.

Cambados Zona Centro entregou o pasado sábado os premios do Concurso de camisetas da Festa do Albariño 2016, nos que tres grupos se repartiron 600 euros. Na entrega estiveron presentes varios dos membros da Corporación Local, encabezados pola alcaldesa Fátima Abal.